Serokê Dewletên Yekbûyî yên Emerîkayê (DYE) Donald Trump di dema civîna bilind a G7 de ya li Evianê axivî û anî ziman ku wî aciziya xwe ya ji ber êrişên hewayî yên Îsraîlê yên li ser Beyrûdê û banliyoyên başûr ên paytexta Lubnanê ji Serokwezîrê Îsraîlê Binyamin Netanyahu re ragihandiye.

Trump got, "Bombardûmana dawî ya Îsraîlê ya li ser banliyoyên başûr bi xweşiya min neçû" û diyar kir ku ew difikire ku Îsraîl "gefa ku Hîzbûllah dibe sedem" ji Sûriyeyê re bihêle.

Li gorî Trump got, eger artêşa Îsraîlê bêyî ku pêşî li windahiyên sivîl bigire nikare operasyonan li Lubnanê bimeşîne, wê demê divê ev yek ji aliyê Sûriyeyê ve bê kirin.

Donald Trump her wiha bang li Netanyahu kir ku li hemberî Lubnanê hîn bêhtir bi berpirsyariyê rabe.

GUHERTINA REJÎMÊ YA LI ÎRANÊ LI DERVE HIŞT

Serokê DYE'yê Donald Trump her wiha ragihand ku Îran îro ji aliyê "lîderên bi aqil" ve tê birêvebirin û eşkere kir ku ew naxwaze rejîma Îranê hilweşe.

Trump ragihand ku jinûve avakirina Îranê wê bi salan dewam bike û di mijara ûranyûma dewlemendkirî ya Îranê de biryardariya DYE'yê dubare kir.

Serokê DYE'yê di civîna bilind a G7 de her wiha anî ziman ku DYE'yê "lîderên li qedemeya destpêkê û duyemîn, her wiha lîderên li qedemeya sêyemîn bi giranî ji holê rakiriye", lê belê eşkere nekir bê qala kê dike.